جنوبی لبنان میں اسرائیلی حملوں میں شدت۔ متعدد علاقوں پر بمباری

اسرائیلی افواج نے جنوبی لبنان کے قصبے کفر صیر پر فضائی حملہ کیا ہے۔

الجزیرہ کے مطابق حملہ جنوبی لبنان کے ضلع نبطیہ میں کیا گیا، جبکہ پیر کے روز اسرائیلی فضائی کارروائیوں کا دائرہ مزید وسیع ہوگیا۔

رپورٹس کے مطابق جنوبی لبنان کے اضلاع صور اور نبطیہ کے مختلف علاقوں میں اسرائیلی حملوں کی متعدد لہریں دیکھی گئیں۔ اس کے علاوہ مغربی بقاع وادی کے علاقے مشغرہ میں بھی بمباری کی اطلاعات موصول ہوئی ہیں۔

اسرائیلی حملوں کے بعد متاثرہ علاقوں میں خوف و ہراس پھیل گیا، جبکہ شہریوں کی جانب سے محفوظ مقامات کی طرف نقل مکانی کا سلسلہ بھی جاری ہے۔