امریکہ کا خلیجی تعمیر نو کے لیے ایرانی اثاثے استعمال کرنے پرغور

میڈیا رپورٹس کے مطابق امریکہ خلیجی ممالک کی تعمیر نو کے لیے منجمد ایرانی اثاثے استعمال کرنے پر غور کر رہا ہے۔

غیر ملکی خبر رساں ادارے کے مطابق امریکی وزیر خزانہ اسکاٹ بیسنٹ اس تجویز پر غور کر رہے ہیں کہ منجمد ایرانی اثاثوں کو خلیجی ممالک کی تعمیر نو اور ایران کی جانب سے ممکنہ مستقبل کے نقصان کی مرمت کے لیے استعمال کیا جائے۔

ذرائع کے مطابق بیسنٹ نے اپنی ٹیم کو یہ بھی ہدایت کی ہے کہ امریکہ کے خلیجی اتحادیوں کو پہلے سے پہنچنے والے نقصان کا جائزہ لیا جائے، اور واشنگٹن اس مقصد کے لیے بھی ایرانی اثاثوں کے استعمال پر غور کرے گا۔

نیویارک پوسٹ اور فاکس نیوز کی رپورٹس میں بھی اسی بات کی تصدیق کی گئی ہے، جن میں ایک ذریعے کے حوالے سے کہا گیا ہے کہ ٹریژری “تمام دستیاب ذرائع استعمال کرے گا تاکہ ایرانی اثاثے خلیجی اتحادیوں کی تعمیر نو اور مرمت کے لیے دستیاب کیے جا سکیں”۔

یہ رپورٹس اس وقت سامنے آئیں جب ایران کے سپریم لیڈر کے مشیر محسن رضائی نے سی این این کو بتایا تھا کہ امن معاہدہ اس بات پر منحصر ہے کہ ایران کے 24 ارب ڈالر کے منجمد اثاثے جاری کیے جائیں۔