اسرائیلی فضائی حملوں میں تبریز کا فوجی مرکز نشانہ بنا

نیم سرکاری خبر رساں ادارے مہر نیوز کے مطابق اسرائیلی فضائی حملوں میں آج صبح ایران کے شہر تبریز میں واقع ایک فوجی مرکز کو نشانہ بنایا گیا۔

مہر نیوز نے مشرقی آذربائیجان صوبے کے ڈائریکٹر جنرل برائے کرائسز مینجمنٹ کے حوالے سے بتایا کہ یہ حملے تہران اور اصفہان میں ہونے والے دھماکوں کے ساتھ ہی کیے گئے۔

حکام کے مطابق تبریز کے فوجی مرکز پر ہونے والے حملے میں خوش قسمتی سے کوئی جانی نقصان نہیں ہوا، تاہم صورتحال کا جائزہ لیا جا رہا ہے۔