مصری کوچ کی فیفا اور کھلاڑیوں سے فلسطینیوں کے حق میں آواز اٹھانے کی اپیل
ارجنٹینا سے مقابلے سے قبل حسام حسن نے فلسطین سے اظہارِ یکجہتی کیا
مصر کی قومی فٹبال ٹیم کے ہیڈ کوچ حسام حسن نے فیفا ورلڈ کپ میں فلسطینی عوام کی حالتِ زار کو “پوری دنیا کے لیے شرم” قرار دیتے ہوئے فٹبال برادری سے مطالبہ کیا ہے کہ وہ فلسطینیوں کی حمایت میں زیادہ مؤثر کردار ادا کرے۔
حسام حسن نے آسٹریلیا کے خلاف پنالٹی شوٹ آؤٹ میں کامیابی کے بعد، جس کے نتیجے میں مصر نے ورلڈ کپ کے پری کوارٹر فائنل میں جگہ بنائی، فلسطینی پرچم لہرا کر یکجہتی کا اظہار کیا۔ مصر کا اگلا مقابلہ دفاعی چیمپئن ارجنٹینا سے منگل کو ہوگا۔
ارجنٹینا کے خلاف میچ سے قبل اٹلانٹا میں پریس کانفرنس کے دوران فلسطین سے متعلق سوال کے جواب میں حسام حسن نے کہا، “اگر کوئی فلسطینی عوام کی تکلیف محسوس نہیں کرتا تو اس میں انسانیت باقی نہیں رہی۔
انہوں نے کہا، “میں کہنا چاہتا ہوں کہ یہ ہم سب کے لیے شرم کی بات ہے۔ صرف عرب دنیا نہیں بلکہ پوری دنیا کے لیے شرمناک صورتحال ہے، خاص طور پر ان فیصلہ سازوں کے لیے جو انسانوں کو ان کے حال پر چھوڑ دیتے ہیں۔