ہاکی سیریز کے آخری میچ میں جنوبی کوریا نے پاکستان کو 2-6 سے شکست دیدی
قومی ٹیم نے چار میچوں کی سیریز مجموعی طور پر 3-1 سے اپنے نام کر لی۔
فائل فوٹو
اسلام آباد: پاکستان اور جنوبی کوریا کے درمیان کھیلی گئی چار میچوں کی ہاکی سیریز کے چوتھے اور آخری میچ میں جنوبی کوریا نے پاکستان کو 2 کے مقابلے میں 6 گول سے شکست دے دی۔
نجی ٹی وی کے مطابق جنوبی کوریا نے میچ کا آغاز جارحانہ انداز میں کرتے ہوئے پہلے کوارٹر میں دو گول سکور کیے، تیسرے کوارٹر میں کورین ٹیم نے مزید تین گول کر کے اپنی برتری مستحکم کر لی جب کہ چوتھے کوارٹر میں ایک اور گول کر کے مجموعی سکور 6-2 کر دیا۔
پاکستان کی جانب سے دوسرا کوارٹر اور تیسرا کوارٹر میں ایک، ایک گول اسکور کیا گیا، تاہم قومی ٹیم شکست سے نہ بچ سکی۔
اگرچہ پاکستان کو آخری میچ میں شکست کا سامنا کرنا پڑا، تاہم قومی ٹیم نے چار میچوں کی سیریز مجموعی طور پر 3-1 سے اپنے نام کر لی۔
پاکستان ہاکی مینجمنٹ نے چوتھے میچ میں مستقبل کی تیاری کے پیش نظر انڈر 21 کھلاڑیوں کو موقع دیا تاکہ نوجوان ٹیلنٹ کو بین الاقوامی سطح پر تجربہ حاصل ہو سکے۔