یمنی سرکاری افواج کے فوجی تربیتی کیمپ پر حوثیوں کا بڑا حملہ ، 53 افراد ہلاک ، 200 زخمی

صنعا: یمن کے صوبہ شبوہ میں یمنی سرکاری افواج کے ایک فوجی تربیتی کیمپ پر حوثیوں کے حملے میں 53 افراد ہلاک اور 200 زخمی ہو گئے۔

حوثی تسلیم شدہ یمنی حکومت سے منسلک مراکز اور سعودی قیادت والے اتحاد سے وابستہ افواج کو بارہا نشانہ بناتے رہے ہیں۔

اس سے قبل حوثیوں نے ’المعاشیق محل‘ پر پانچ بیلسٹک میزائل داغے تھے، جس کے بارے میں ان کا کہنا تھا کہ یہ سعودی قیادت والے اتحاد کا آپریشنل مرکز ہے۔ تازہ ترین اطلاعات کے مطابق، اس حملے میں 5 افراد ہلاک اور متعدد زخمی ہوئے تھے۔

یہ محل بین الاقوامی سطح پر تسلیم شدہ حکومتی ہیڈ کوارٹر ہے۔