پاکستان اسٹاک مارکیٹ میں تیزی، ہنڈریڈ انڈیکس 406 پوائنٹس بڑھ گیا

کراچی: پاکستان اسٹاک ایکسچینج میں کاروبار کے آغاز پر تیزی کا رجحان دیکھا گیا، جہاں ہنڈریڈ انڈیکس 406 پوائنٹس اضافے کے بعد ایک لاکھ 66 ہزار 372 پوائنٹس کی سطح پر پہنچ گیا۔

کاروباری سیشن کے ابتدائی مرحلے میں سرمایہ کاروں کی جانب سے حصص کی خریداری میں دلچسپی دیکھی گئی، جس کے نتیجے میں مارکیٹ میں مثبت رجحان سامنے آیا۔

دوسری جانب انٹر بینک مارکیٹ میں امریکی ڈالر کے مقابلے میں پاکستانی روپے کی قدر مستحکم رہی۔ انٹر بینک میں ڈالر کی قیمت 276 روپے 90 پیسے پر برقرار رہی۔

یوں کاروباری دن کے آغاز پر اسٹاک مارکیٹ میں تیزی ریکارڈ کی گئی، جبکہ انٹر بینک میں روپے کی قدر میں کوئی تبدیلی نہیں ہوئی۔