وزیراعلی پنجاب شہباز شریف کی کرنل سہیل عابد شہید کے گھر آمد

اسلام آباد:وزیراعلی پنجاب شہباز شریف نے انگوری روڈ کرنل سہیل عابد شہید کے نام منسوب کرنے کا اعلان کردیا۔وزیراعلی پنجاب شہباز شریف کرنل سہیل عابد شہید کے گھر گئے اور ان کے اہل خانہ سے تعزیت کی۔اس موقع پران کا کا کہنا تھا کہ کرنل سہیل عابد شہید نے جرات اوربہادری کی نئی تاریخ رقم کی وہ پوری قوم کے ہیرو ہیں۔شہید کوخراج عقید ت پیش کرتے ہوئے کہنا تھا انہوں نے کہا کہ کرنل سہیل عابد شہید پوری قوم کے ہیرو ہیں ان کا خون اس دھرتی پرقرض ہے۔وزیر اعلی کا کہنا تھا کہ پوری قوم دہشت گردوں کے مکمل صفایا کے لیے متحد ہے۔خیال رہے چند روز قبل ملک میں جاری آپریشن ردالفساد کے تحت بلوچستان میں دہشت گردوں کے خلاف پاک آرمی کے کرنل سہیل عابد شہید جام شہادت نوش کر گئے تھے۔