کچھ خواتین پلٹ کر وار بھی کرتی ہیں- شہلا رضا

اسلام آباد :پیپلز پارٹی کی رہنما شہلا رضا نے کہا ہےکہ ریحام خان کی کتاب میں لگائے گئے الزامات کے حوالے سے ثبوت مانگے جارہے ہیں لیکن کیاکبھی کسی نے سوچا کہ عمران خان نے کتنی بار آصف زرداری کے ساتھ ایان علی کانام لیا اس وقت کسی کواخلاقیات یاد نہیں آئی تھی ۔

نجی ٹی وی کے پروگرامیں گفتگو کرتے ہوئے رہنما شہلا رضا نے کہا ہے کہ آج ریحام خان کی کتا ب کے حوالے سے ثبوت مانگے جارہے ہیں۔ کیا کبھی کسی نے سوچا ہے کہ کتنی بارعمران خان نے آصف زرداری کے ساتھ ایان علی کا نام لیا؟ کتنی دفعہ ٹی وی پروگرامز میں بٹھا کر تنویر زمانی کے انٹرویولئے گئے ، اور ہر جگہ ایان علی کے تذکرے کئے جاتے تھے اس وقت کسی کو اخلاقیات یاد نہیں آئی تھی ۔انہوں نے کہا کہ ریحام خان جہاں رہ رہی ہیں وہاں کے قانون کو اچھی طرح جانتی ہیں اور یہ ساراکچھ تحریک انصاف کے لئے خطرے کا باعث ہے ۔انہوں نے کہا کہ منہ کھول کر باتیں کردینا سب کو آتا ہے لیکن کچھ لوگ ہوتے ہیں جو اخلاق پر چلتے ہیں۔ اسلام میں طلاق کو انتہائی ناپسند کیا گیا ہے ، کچھ خواتین پلٹ کر وار بھی کرتی ہیں۔