انتخابات میں 7 روز باقی، سیاسی جماعتوں کا آج مختلف شہروں میں جلسہ

لاہور: عام انتخابات میں صرف 7 روز ہی باقی رہ گئے ہیں اور اس سلسلے میں تمام سیاسی جماعتوں کی جانب سے انتخابی مہم تیزی سے چلائی جارہی ہیں۔
مسلم لیگ (ن) کی جانب سے آج راجن پور میں پنڈال سجایا گیا ہے اور جلسے کے لئے تمام تیاریاں بھی مکمل کرلی گئی ہیں۔ اس موقع پر (ن) لیگ کے صدر شہباز شریف کارکنان سے خطاب کریں گے۔
پاک سرزمین پارٹی آج حیدرآباد میں انتخابی ریلی نکالے گی جس کی چیئرمین مصطفیٰ کمال اور صدر انیس قائم خانی قیادت کریں گے۔
تحریک انصاف آج لاہور کے علاقے شاہدرہ، ملتان اور جہلم میں سیاسی طاقت کا مظاہرہ کرے گی اور پارٹی چیئرمین عمران خان جلسوں سے خطاب کریں گے۔
چیئرمین پیپلز پارٹی آج گجرات، منڈی بہاؤالدین، سرگودھا اور جہلم میں کارکنان سے خطاب کریں گے۔
متحدہ مجلس عمل ڈیرہ اسماعیل خان میں انتخابی جلسہ سجائےگی جس سے مولانا فضل الرحمان اور سراج الحق خطاب کریں گے۔