اسرائیلی فورسز کے حملے 4 فلسطینی شہید، اسرائیلی فوجی ہلاک

غزہ :غزہ پر اسرائیلی حملوں کے بعد مظلوم فلسطینیوں کی جوابی فائرنگ سے ایک اسرائیلی فوجی ہلاک ہوگیا ہے جبکہ اسرائیل نے چند گھنٹوں میں 4 فلسطینی شہید کردیئے ہیں۔

نجی ٹی وی کے مطابق غزہ پر قابض اسرائیل فورسز کی جانب سے جارحیت کا سلسلہ جار ی ہے اور غزہ کے مختلف علاقوں کو نشانہ بنایا جا رہا ہے۔ اسرائیلی حملوں میں گزشتہ چند گھنٹوں میں4فلسطینی شہید جبکہ متعدد زخمی ہوگئے ہیں۔

فلسطینیوں کی جوابی فائرنگ سے ایک اسرائیلی فوجی کے مارے جانے کی بھی اطلاعات ہیں۔اسرائیلی حملوں کے بعد غزہ میں گیس کی فراہمی بند ہو چکی ہے جس سے شہریوں کو شدیدمشکلات کا سامنا کرنا پڑ رہاہے ۔