چیمئنز ٹرافی میں وہ غلطیاں کی گئیں جو نہیں ہونی چاہیے تھیں،ہیڈ کوچ قومی ہاکی ٹیم

کراچی: قومی ہاکی ٹیم کے ہیڈ کوچ رولینٹ آلٹمنزنے چیمپئنز ٹرافی میں ٹیم کی کاردگی پر عدم اطمینان کرتے ہوئے کہا کہ ہاکی چیمئنز ٹرافی میں بھارت کے خلاف شکست پر افسوس ہوا، ایونٹ میں وہ غلطیاں کی گئیں جو نہیں ہونی چاہیے تھیں۔
کراچی میں ہیڈ کوچ رولینٹ آلٹمنز نے پریس کانفرنس کرتے ہوئے کہا کہ چیمپئنز ٹرافی میں ٹیم کی کارکردگی سے مطمئن نہیں ہوں، کھلاڑیوں کی فٹنس پر توجہ دی جارہی ہے جس میں بہتری آئی ہے اور آگے کھیل میں بھی نکھار آئے گا۔
ان کا کہناتھاکہ بھا رت کے خلاف میچ میں گول کیپر کو واپس بلانے کا فیصلہ میرا نہیں تھا، ہاکی چیمئنز ٹرافی میں بھارت کے خلاف شکست پر افسوس ہوا۔
ہیڈ کوچ کا مزیدکہنا تھا کہ کھلاڑیوں کو سمجھایا ہے کہ پیسے پر نہیں جیت پر توجہ دیں۔