پشاور میں بچوں کی لڑائی ، فائرنگ سے 7افراد جاں بحق

پشاور:پشاور میں بچوں کی لڑائی پر فائرنگ سے 7افرادجاں بحق جبکہ2افراد زخمی ہوگئے ۔نجی ٹی وی کے مطابق واقعہ پشاور کے علاقے میرہ سوڑیزئی میں پیش آیا، جہاں مغرب کی اذان کے بعد بچوں کی لڑائی ہوئی تھی جس میں بڑے بھی کود پڑے ۔

جسکے باعث ایک خاندان کی فائرنگ سے دوسرے خاندان کے 6افراد جاں بحق ہوگئے ، فائرنگ کرنے والوں کا ایک ساتھی بھی اپنوں کی فائرنگ سے چل بسا ۔ فائرنگ سے2افراد زخمی بھی ہوئے جنہیں اسپتال منتقل کردیا گیا ہے ۔ زخمیوں کی حالت تشویشناک بتائی جارہی ہے ۔