بھارتی گلوکار کا نصرت فتح علی خان کوزبردست خراج تحسین

ممبئی:پاکستان کے لیجنڈری گلوکار نصرت فتح علی خان کو بھارتی گلوکاروں کی جانب سے خراج تحسین پیش کیا گیا ہے۔
میڈیا رپورٹس کے مطابق بھارتی گلوکار ’شارب اور توشی‘ نے نصرت فتح علی خان کو خراج تحسین پیش کیا ہے۔انہوں نے نصرت فتح علی خان کے مشہور گانے’سانسوں کی مالا‘ کا ری میک ورژن پیش کیا ہے۔
اس گانے کی ویڈیو بھی جاری کردی گئی ہے۔ شارب اور توشی کی آواز میں نصرت فتح علی خان کا گانا بے حد مقبول ہو رہا ہے۔
واضح رہے نامور گلوکار نصرت فتح علی خان کے گانے نہ صرف پاکستان بلکہ دنیا بھر میں بے حدمقبول ہیں جبکہ بھارتی فلم انڈسٹری میں نصرت فتح علی خان کے گانوں کو کئی فلموں میں شامل بھی کیا جاتا رہا ہے۔