ہنگیرین گرینڈ پرکس کا ٹائٹل لویس ہملٹن کے نام

اسلام آباد: برطانوی ڈرائیور لویس ہملٹن نے ہنگیرین گرینڈ پرکس کا ٹائٹل اپنے نام کرلیا ہے۔مقابلے میں لویس ہملٹن نے جرمن ڈرائیور سباسٹین ویٹل پر فیصلہ کن برتری حاصل کرلی۔اس سے قبل برٹش گرینڈ پرکس ٹائٹل جرمنی کے فارمولا ون ڈرائیور نے اپنے نام کیا تھا جبکہ لوئیس ہملٹن دوسرے نمبر پر تھے تاہم اس مرتبہ لویئس نے سیزن کی پانچویں اور مجموعی طور پر 67ویں ہنگیرین گرینڈ پرکس جیت لی ہے۔

دونوں ڈرائیورز کے درمیان کانٹے کا مقابلہ ہوا اور آخری مرحلے تک جیت ہار کے بارے میں پیشین گوئی کرنا مشکل تھا۔ ہملٹن اور ویٹل کی گاڑیوں نے ایک دوسرے کو کئی مرتبہ اورٹیک کیا اور بعض مرتبہ تو دونوں گاڑیاں انتہائی نزدیک بھی آجاتی تھیں۔فاتح ہملٹن نے ایک گھنٹہ 37 منٹس اور 16 سکینڈ کی میں مطلوبہ فاصلہ طے کیا جبکہ ان کے مد مقابل سباسٹین ویٹل 17 منٹس کے فرق سے دوسرے نمبرپر رہے، اسی طرح کمی ریکونن تیسرے اور دانیل ریکارڈو چوتھے نمبر پر رہے۔