حیدر آباد کے نجی بینک میں آتشزدگی ۔ لاکھوں کا سامان خاکستر

حیدر آباد: حیدر آباد میں نجی بینک میں آتشزدگی سے لاکھوں کی مشینری جل کرراکھ ہوگئی ، ریسکیوٹیموں نے آگ پر قابو پاکر مزید نقصان سے بچا لیا۔

نجی ٹی وی کے مطابق حیدر آباد کے ڈومنوا روڈ پر نجی بینک کی عمارت میں آتشزدگی سے 4لاکھ روپے مالیت کی مشینری جل گئی ، پولیس کے مطابق آگ بینک کے آئی ٹی روم میں شارٹ سرکٹ کے باعث لگی جس سے آئی ٹی رو م میں موجود لاکھوں کا سامان جل کر راکھ ہوگیا ۔ ریسکیو ٹیمیں موقع پر پہنچ گئیں اور آگ پر قابو پاکر کسی بڑے نقصان سے دوچار ہونے سے بچا لیا ۔