ونگ کمانڈر سندھ رینجرزکا کراچی فش ہاربر کا دورہ،سکیورٹی کاجائزہ لیا

کراچی:ڈائریکٹر جنرل سندھ رینجرز لیفٹیننٹ جنرل محمد سعید کی ہدایت پر ونگ کمانڈر سندھ رینجرزلیفٹیننٹ کرنل شبیرنے کراچی فش ہاربر کادورہ کیااورچیئرمین فشر مینز کوآپریٹو سوسائٹی عبدالبر سے ملاقات کی ۔ونگ کمانڈر لیفٹیننٹ کرنل شبیر نے کراچی فش ہاربر پر سکیورٹی کے انتظامات کے حوالے سے چیئرمین فشر مینز کوآپریٹوسوسائٹی عبدالبرسے تفصیلی تبادلہ خیال کیا۔بعدازاں ونگ کمانڈر لیفٹیننٹ کرنل شبیر نے چیئرمین فشر مینز کوآپریٹو عبدالبرکے ہمراہ ایف سی ایس کے سی سی ٹی وی کنٹرول روم سمیت مختلف شعبوں کا معائنہ کیا ۔اور کراچی فش ہاربر کے دورہ کے دوران انہوں نے سکیورٹی کو بہتر کرنے کے لیے مختلف تجاویز دیں اور اپنے مکمل تعاون کی یقین دہانی بھی کرائی۔چیئرمین ایف سی ایس عبدالبر نے ڈی جی رینجرز سندھ محمد سعید اور ونگ کمانڈر لیفٹیننٹ کرنل شبیر کا کراچی فش ہاربر پر فول پروف سیکورٹی کی فراہمی میں تعاون پر ان کا شکریہ ادا کیا۔