ڈیفنس کراچی میں خود کو پولیس اہلکار ظاہر کرنیوالے ملزمان گرفتار

کراچی:پولیس نے ڈیفنس کے مختلف علاقوں میں کارروائی کرتے ہوئے خود کو پولیس اہلکار ظاہر کرنے والے ملزمان کوگرفتار کرلیا ہے۔
پولیس حکام کے مطابق ملزمان خود کو اسپیشل برانچ کا اہلکار ظاہر کرتے تھے اور شہریوں کو لوٹتے تھے، ملزمان کے قبضے سے گاڑی، اسلحہ اور مسروقہ سامان بھی برآمد کیا گیا ہے۔
پولیس نے بتایا کہ ملزمان کے پاس سےپولیس یونیفارم بھی برآمدہوئے ہیں۔
پولیس حکام کے مطابق ملزمان نے ابتدائی تفتیش میں کئی وارداتوں کا اعتراف کیا ہے۔