نیو کراچی صنعتی ایریا میں لکڑی کے گودام میں لگی آگ پر قابو پا لیا گیا

کراچی،گودام کی آگ پر قابو پالیا گیا

کراچی کے علاقے نیو کراچی میں لکڑی کے گودام میں لگی آگ پر قابو پالیا گیا جس کے بعد کولنگ کا عمل جاری ہے۔
نیو کراچی میں لکڑی کے گودام میں لگنے والی آگ پر 3گھنٹے بعد قابو پایا گیا، چیف فائر آفیسر کا کہنا ہے کہ آگ پر قابو پانے کے عمل میں فائر بریگیڈ کی 6 گاڑیوں نےحصہ لیا۔
چیف فائر آفیسر نے بتایا کہ گودام میں آگ بجھانے کے بعد کولنگ کا عمل جاری ہے۔
ابتدائی اطلاعات کے مطابق لکڑی کے گودام میں آگ شارٹ سرکٹ کے باعث لگی، آگ سے ہونے والے نقصان کا اندازہ فوری طور پر نہیں ہوسکا ہے۔