بھتہ خوری اور تین افراد کے قتل میں ملوث ملزم گرفتار

کراچی پولیس نے خفیہ اطلاع پر کارروائی کرتے ہوئے بھتہ خوری اورتین افراد کے قتل میں ملوث ملزم کو گرفتار کرلیاہے۔

تفصیلات کے مطابق ایس ایس پی ایسٹ غلام اظفر مہیسرکے مطابق کراچی کی بہادر آباد پولیس نے مخبر خاص کی اطلاع پر کارروائی کرتے ہوئے ٹارگٹ کلر اوربھتہ خوری میں ملوث ملزم ملزم جاوید عرف مٹھا کو گرفتارکرلیاہے ملزم 3افراد کے قتل میں ملوث ہے۔

پولیس کے مطابق گرفتارکیاگیاملزم، رفیق عرف موٹا نامی ٹارگٹ کلر کی ٹیم کا حصہ تھا،ملزم نے تھانہ جمشید کوارٹر اور تھانہ پی آئی بی کی حدود میں قتل اور بھتہ خوری کی وارداتیں اپنے ساتھیوں رفیق عرف موٹا،جمال کانڑااورشان موٹا کے ساتھ ملکر کیں تھیں۔

ملزم کے ساتھی کراچی آپریشن کے بعد سے غائب تھے ،ملزم کے قبضے سے ایک پستول برآمدہوا، ملزم کوتھانے منتقل کرکے تفتیش شروع کردی گئی ہے۔