Ummat News Latest Urdu News in Pakistan Politics Headlines Videos
اپوزیشن جماعتوں نے حکومت کی جانب سے نیشنل ایکشن پلان پر پارلیمانی رہنماؤں کو دی جانے والی بریفنگ میں شرکت نہ کرنے کا فیصلہ کیا ہے۔
گزشتہ دنوں وزیرخارجہ شاہ محمود قریشی کی جانب سے پارلیمانی جماعتوں کے قائدین کو خطوط لکھے گئے تھے جس میں 28 مارچ شام 4 بجے پارلیمنٹ ہاؤس میں مشاورتی کانفرنس میں شرکت کی دعوت دی گئی تھی۔
اپوزیشن جماعتوں نے حکومت کی جانب سے بلائی گئی پارلیمانی رہنماؤں کی مشاورتی کانفرنس میں شرکت کا نہ کرنے کا فیصلہ کیا ہے۔
قومی اسمبلی میں قائد حزب اختلاف شہباز شریف نے وزیرخارجہ کو جوابی خط میں اپوزیشن کے فیصلے سے آگاہ کیا۔
اپوزیشن نے شاہ محمود قریشی کی جانب سے رہنماؤں کو لکھے گئے خط پر بھی اعتراض کیا۔
شہباز شریف نے جوابی خط میں نیشنل ایکشن پلان پر قومی اسمبلی میں بریفنگ دینے کی تجویز دیتے ہوئے کہا ہے کہ منتخب پارلیمانی رہنماؤں کی بجائے تمام اراکین پارلیمنٹ کو بریفنگ دی جائے۔
