مریم نواز نے ٹوئٹر اکاونٹ پر نئی پروفائل پکچر پوسٹ کر دی

مسلم لیگ ن کی مرکزی رہنما مریم نواز نے ٹوئٹر پر اپنی پروفائل پکچر تبدیل کردی ہے، نئی پروفائل پکچر پر سات مئی نواز شریف کے ساتھ چلوچلو کوٹ لکھپت جیل چلو تحریر ہے ۔

تفصیلات کے مطابق مریم نواز کی جانب سے اپنے ٹوئٹر اکاونٹ پر نئی پروفائل پکچر پوسٹ کی گئی ہے جس میں نواز شریف پرجو ش انداز میں ہاتھ میں ہاتھ ڈالے نظر آتے ہیں۔تصویر پر ’سات مئی نوازشریف کے ساتھ، چلو چلو کوٹ لکھپت جیل چلو ‘ تحریر کیا گیاہے ۔

#NewProfilePic pic.twitter.com/jsMst7SJNG

— Maryam Nawaz Sharif (@MaryamNSharif) May 6, 2019

واضح رہے کہ نواز شریف کی کوٹ لکھپت جیل منتقلی کے روز مسلم لیگ ن کی جانب سے پروگرام جاری کر دیاگیا ہے، کارکنوں اور ممبران اسمبلی کو 7 مئی کی شام فیروز پور روڈ پر شنگھائی فلائی اوور کے قریب اکھٹے ہونے کی ہدایات ہیں۔

اس سے قبل رہنما مسلم لیگ (ن) مریم نواز کا کہنا ہے کہ نواز شریف اور عوام کے درمیان لا زوال محبت کی داستان ہے۔

سماجی رابطے کی سائٹ ٹوئٹر پر رہنما مسلم لیگ (ن) مریم نواز نے ٹوئٹ میں کہا کہ عوام کی نواز شریف سے اور نواز شریف کی عوام سے لا زوال محبت کی داستان ہے، جو ہر آنے والے دن کے ساتھ مضبوط تر ہوتی جا رہی ہے، یہ ایک نیا رحجان ہے۔

یہ عوام کی نواز شریف سے اور نواز شریف کی عوام سے لا زوال محبت کی داستاں ہے جو الحمدللّٰہ ہر آنے والے دن کے ساتھ مضبوط تر ہوتی جا رہی ہے۔ یہ ایک نیا phenomenon ہے۔ https://t.co/uzqifFhusJ

— Maryam Nawaz Sharif (@MaryamNSharif) May 5, 2019