اسلام آباد میں فائرنگ سے 2 پولیس اہلکار جاں بحق،ایک زخمی

وفاقی دارالحکومت میں پولیس ناکے پرنامعلوم افراد کی فائرنگ سے 2 اہلکار جاں بحق اورایک شدید زخمی ہوگیا۔

نجی ٹی وی کے مطابق وفاقی دارالحکومت اسلام آباد کے علاقے منڈی موڑ میں پولیس ناکے پرتعینات اہلکاروں پرنامعلوم افراد کی فائرنگ کی جس کے نتیجے  میں 2 اہلکار جاں بحق جب کہ ایک زخمی ہوگیا۔

پولیس حکام کے مطابق موٹر سائیکل پر سوار نامعلوم افراد نے ناکے پر تعینات اہلکاروں پراندھا دھند فائرنگ کردی، جس کے نتیجے میں 2 اہلکارموقع پرہی دم توڑ گئےجب کہ ایک اہلکار کو شدید زخمی حالت میں اسپتال منتقل کردیا گیا ہے۔

پولیس کے مطابق فائرنگ کرنے والے ملزمان موقع سے فرار ہونے میں کامیاب ہوگئے، جن کی تلاش کے لیے ٹیمیں روانہ کردی گئی ہیں۔