نیا اسلامی سال31 اگست سے شروع ہوگا۔محکمہ موسمیات کی پیش گوئی

محکمہ موسمیات نے پیش گوئی کی ہے کہ نیا اسلامی سال31 اگست سے شروع ہوگا۔

محکمہ موسمیات نے محرم کے چاندکی پیش گوئی کرتے ہوئے کہا کہ محرم کاچاند30اگست کو 3بجکر37منٹ پرپیداہوناشروع ہو گا۔محکمہ موسمیات کے مطابق 31 اگست کو چاند نظر آنے کے قوی امکانات ہیں کیونکہ غروب آفتاب کے وقت چاند کی عمر27 گھنٹے 37 منٹ ہوگی اوراسے 61 منٹ تک دیکھا جاسکے گا۔

محکمہ موسمیات کے مطابق یکم محرم 1441 ہجری 1 ستمبر2019 کو ہوگی۔نیا اسلامی سال اور ماہ شروع ہوتے ہی ملک بھرمیں شہدا کربلا کی یاد میں مجالس اور جلوسوں کا اہتمام کیا جائے گا، وفاقی و صوبائی حکومتوں نے امن و امان کی صورتحال کو قابو میں رکھنے کے لیے سیکیورٹی کے خصوصی اقدامات بھی کیے۔

سندھ حکومت نے امن و امان کی صورتحال کو قابو میں رکھنے کے لیے شہر میں دس روز کے لیے دفعہ 144 نافذ کرنے کا نوٹی فکیشن جاری کردیا، جبکہ نو اور دس محرم کو ڈبل سواری پر پابندی بھی عائد ہوگی۔