میرپور آزادکشمیر اور گردونواح میں زلزلے کے جھٹکے

میرپور آزادکشمیر اور گردونواح میں زلزلے کے جھٹکے محسوس کیے گئے ،جڑی کس کے قریب زلزلے سے جزوی متاثر عمارت گر گئی.

خالق آباد میں مکان زمین بوس ہونے سے ایک شخص جاں بحق جب کہ 2 زخمی ہوگئے ،زخمیوں کو ڈسٹرکٹ ہیڈ کوارٹر اسپتال منتقل کردیا گیا ہے۔

میڈیارپورٹس کے مطابق میرپور آزادکشمیر میں آفٹر شاکس کا سلسلہ جاری ہے ،میرپور آزادکشمیر اور مضافاتی علاقوں میں زلزلے کے جھٹکے محسوس کیے گئے۔

زلزلے کے جھٹکے10 بجے کر 28 منٹ پر آئے ،زلزلے کا دورانیہ دو سے تین سکینڈ تھا،جس پر لوگ خوف و ہراس کا شکار ہو گئے اور کلمہ طیبہ کا وردکرتے ہوئے گھروں سے باہر نکل آئے۔

زلزلے پیما مرکز کے مطابق زلزلے کی شدت3 اعشاریہ 8 اورگہرائی 15 کلومیٹرریکارڈکی گئی جبکہ زلزلے کا مرکز 12 کلومیٹر شمال مغرب جہلم تھا۔