پلان بی۔جے یو آئی کے دھرنے27نومبر تک جاری رہیں گے

جمعیت علمائے اسلام (ف) کے پلان بی کے تحت مسلسل پانچویں روز بھی ملک کے مختلف شہروں کی اہم شاہراہوں پر دھرنے دیے جا رہے ہیں۔پلان بی کے تحت جے یو آئی کے دھرنے27نومبر تک جاری رہیں گے

بنوں میں جے یو آئی ف کے پلان بی کے تحت لنک روڈ انڈس ہائی وے پر کارکنوں نے آج بھی دھرنا دے رکھا ہے۔

کارکنوں نے لنک روڈ پر انڈس ہائی وے سے مختلف شہروں کو جانے والے راستوں کو رکاوٹیں ڈال کر بند کر دیا ہے۔

مالاکنڈ میں بھی پل چوکی چکدرہ کے مقام پر جے یو آئی کے کارکنوں نے مین جی ٹی روڈ پر رکاوٹیں کھڑی کرکے سڑک بلاک کر رکھی ہے۔

جیکب آباد میں سندھ بلوچستان بائی پاس زیرو پوائنٹ اور کندھ کوٹ میں سندھ بلوچستان اور پنجاب کو ملانے والی قومی شاہراہ، بائی پاس پر بند ہے۔

سکھر، شکار پور،کندھ کوٹ، کشمور جانے والی گاڑیاں متبادل راستے سے گزاری جا رہی ہیں۔

لاہور میں بھی جے یو آئی ف کے کارکنوں نے امامیہ کالونی کے نزدیک جی ٹی روڈ کی ایک سائیڈ ٹریفک کے لیے بند کردی۔روڈ کی ایک سائیڈ بلاک ہونے کے باعث جی ٹی روڈ پر گاڑیوں کی لمبی قطاریں لگ گئیں۔

جے یو آئی کی طرف سے 27 نومبر تک روزانہ دوپہرایک سے رات 8 بجے تک دھرنا دینے کا اعلان کیا گیا ہے۔