رہبر کمیٹی کا ملک بھر سے دھرنے ختم کرنے کا اعلان

اکرم درانی نے احتجاجی مظاہرین کو مخاطب کرتے ہوئے کہا کہ آج رات سے کارکن رہبر کمیٹی کے کہنے پرتمام سڑکیں کھول دیں، سڑکیں اور شاہراہیں بند نہ کی جائیں بلکہ ضلعی سطح پر جلسے ہوں گے، اب سڑکیں بند نہیں ہوں گی عوام کو مشکلات پیش آرہی ہیں۔

اکرم درانی کا کہنا تھا کہ رہبر کمیٹی نے حکومت پر دباؤ بڑھانے کی پالیسی کو درست قرار دیا ہے، رہبر کمیٹی نے تجویزدی ہے کہ فوری طور پراے پی سی بلائی جائے۔

اکرم درانی نے کہاکہ کل پرسوں جلسوں کا پلان سامنے آئے گا، الیکشن کمیشن کے ممبران کو مشترکہ نامزدگی کی جائے گی، رہبر کمیٹی کل الیکشن کمیشن کے سامنے پی ٹی آئی غیرملکی فنڈنگ کیس کو سننے کے لیے احتجاج کرے گی۔