فلپائن میں زلزلہ۔ایک ہلاک،درجنوں افراد زخمی

فلپائن کے وسط میں واقع ایک ضلع میں اتوارکو زلزلہ کے شدید جھٹکے محسوس کیے گئے جس کے نتیجے میں ایک لڑکی ہلاک اور درجنوں افراد زخمی ہو گئے۔

امریکی ارضیات سروے نے بتایا کہ ریکٹراسکیل پر زلزلہ کی شدت 6.8 تھی۔ شہر میگساسے تین میل جنوب میں آئے زلزلہ کا مرکز زمین سے 17.5 میل کی گہرائی میں واقع تھا۔

زلزلے سے ضلع دابوو میں متعدد عمارتوں کو نقصان پہنچا جبکہ ایک 6 سالہ لڑکی ہلاک اور درجنوں افراد زخمی ہو گئے۔فوری طور پرامداد ی کارروائیاں شروع کر دی گئی ہیں،لوگوں کو محفوظ مقامات پر منتقل کیا جا رہا ہے۔