شانتی نگر میں آگ لگنے سے60 سے زائد جھگیاں جل کرخاکستر

کراچی کے علاقے شانتی نگر میں عزیز بھٹی پارک کے قریب آگ لگنے سے 60 سے زائد جھگیاں جل کر خاکستر ہو گئیں اور دو افراد زخمی بھی ہو گئے۔ کراچی کے علاقے گلشن اقبال میں شانتی نگرعزیز بھٹی پارک کے قریب جھوپڑیوں میں آگ لگنے سے 2 افراد زخمی ہو گئے۔

فائر بریگیڈ حکام کے مطابق عزیز بھٹی پارک کے قریب جھونپڑیوں میں آگ لگنے کے باعث 60 سے زائد جھگیاں جل کر خاکستر ہو گئیں۔ فائر بریگیڈ کی 3 گاڑیوں نے 2 گھنٹے میں آگ پرقابو پایا تاہم خوش قسمتی سے کوئی جانی نقصان نہیں ہوا۔

آگ لگنے کے باعث دو افراد جھلس کر زخمی ہوئے جنہیں سول ہسپتال کے برنس وارڈ منتقل کردیا گیا ہے۔ پولیس کے مطابق آگ لگنے کی وجہ تاحال معلوم نہیں ہو سکی تاہم تحقیقات کا آغازکردیا گیا ہے۔