برق رفتاری سے موٹرسائکلیں چوری کرنے والا ملزم گرفتار

بجلی کی رفتار سے بھی تیز موٹر سائیکل چوری کرنے والے موٹر سائیکل لفٹر کو سعید آباد پولیس نے گرفتار کرلیا۔ملزم مشتاق عرف بجلی عادی اسٹریٹ کرمنل ہے اور ایک ماہ میں سو سے ذائد موٹر سائیکل چوری کر کے ٹھکانے لگا چکا ہے ۔تفصیلات کے مطابق ایس ایس پی ڈسٹرکٹ ویسٹ فدا حسین جانوری کی سربراہی میں ویسٹ پولیس کی کاروائیاں جاری۔ایس ایچ او سعید اباد عمران خان افریدی کی سربراہی میں پولیس پارٹی کی کاروائی، اسٹریٹ کرائم اور موٹرسائیکل لفٹنگ کی وارداتوں میں ملوث ملزم مشتاق عرف بجلی والہ ولد عبدالرزاق گرفتار.ملزم کے قبضہ سے ایک بلالائسنس پسٹل بمعہ راونڈ اور سرقہ شدہ M/C نمبری KIA-2263 برآمد ہوا۔ملزم کے خلاف مقدم الزام نمبر 595/20 دفعہ 23(1)-A درج کیا گیا۔ملزم مشتاق عرف بجلی سے مزید تفتیش کی جارہی ہے۔