شہر بھرکی مارکیٹوں میں جعلی کرنسی چلانےوالی خاتون گرفتار۔

ابراہیم حیدری پولیس نے کورنگی کراسنگ مارکیٹ میں جعلی کرنسی چلانے والی مشکوک خاتون کوگرفتارکرلیا۔

پولیس نے کورنگی کراسنگ کے قریب مارکیٹ میں کارروائی کی۔گرفتار خاتون کے قبضے سے جعلی نوٹ برآمد ہوئے ہیں۔ملزمہ سے نوٹوں کے متعلق پوچھ گچھ کی جارہی ہے۔گرفتار خاتون جعلی نوٹوں سے مارکیٹ میں خریداری کر رہی تھی۔

ابراہیم حیدری پولیس کی جانب سے ملزمہ مختاراں کیخلاف مقدمہ درج کر کے  تفتیش شروع کردی گئی ہے۔