سعیدآباد پولیس نے چور باپ اور بیٹےکوموٹر سائیکل چوری کرتے ہوئےرنگےہاتھوں گرفتارکرلیا

سعیدآباد پولیس نے انوکھے باپ بیٹا چور گرفتار کرلئے۔جامع مسجد صدیق اکبر سیکٹر فور ڈی کے علاقے سے دونوں باپ بیٹا کو پولیس نے رنگے ہاتھوں موٹر سائیکل چوری کرتے ہوئے گرفتار کیا۔

بیٹا نمازیوں کی موٹر سائیکل کو دھکا دیکر گلی میں لے جاتا تھا جہاں باپ پہلے سے موجود ہوتا تھا جو بیٹے کو موٹر سائیکل پر بیٹھا کر رفو چکر ہوجاتا تھا۔

سعید آباد پولیس کے مطابق آج بھی بچہ نے موٹر سائیکل چوری کرنے کی کوشش کی تو شہری نے پولیس کو اطلاع دی۔پولیس نے بیٹے سے پوچھ گچھ کی تو بچے نے ہوشربا انکشاف کیے جس پر اسکے والد کو بھی حراست میں لیا گیا۔

سعید آباد پولیس نے چور باپ اور بیٹے کی نشاندہی پر 2 موٹر سائیکل سمیت 31 موٹر سائیکل کے پارٹس بھی برآمد کئے۔سعید آباد پولیس موٹر سائیکل مالکان سے رابطہ کرکہ مقدمات درج کر رہی ہے۔جبکہ دونوں باپ اور بیٹے سے مزید تفتیش کی جارہی ہے۔