ریلوے پولیس کی کاروائی 2ٹک ٹاک اسٹارزگرفتار

ریلوے قوانین کی خلاف ورزی کرنے والے 2ٹک ٹاک اسٹارز اسرار گوندل اور زوہیب کو پاکستان ریلوے پولیس نے گرفتار کر لیا ہے.

ملزمان نے ریلوے پھاٹک نمبر33 درمیان رائیونڈ اور جیا بھگا پر ٹک ٹاک ویڈیو بنائی۔دونوں ملزمان کے خلاف تھانہ ریلوے پولیس اسٹیشن رائیونڈ میں  مقدمہ درج کر لیا گیا ہے ۔ملزمان کے خلاف 120, 121, 129 ریلوے ایکٹ اور 186,290 PPC کے تحت مقدمات درج کئے گئے ہیں ۔

اس حوالے سے اے آئی جی ایڈمن ملک محمد عتیق کا کہنا تھا کہ ملزمان نے ریلوے کی حدود میں قانون کی خلاف ورزی کی ۔عوام  سے گزارش ہے کہ وہ ریلوے قوانین کا احترام کریں ۔اپنی زندگی سے پیار کریں اور ریلوے پولیس سے تعاون کریں۔