علی ظفر ایڈوکیٹ نے جہانگیر ترین کے حوالے سے تحقیقات مکمل کرلیں

وزیر اعظم کی ہدایت پرعلی ظفر ایڈوکیٹ نے چینی اسکینڈل میں نامزد تحریک انصاف کے رہنما جہانگیر ترین کے خلاف فریقین سے تحقیقات مکمل کرلیں۔

نجی ٹی وی کے مطابق تحریک انصاف کے منحرف رہنما اور چینی اکینڈل میں نامزد ملزم جہانگیر خان ترین کے خلاف وزیراعظم عمران خان کے نامزد کردہ سینیٹرعلی ظفر ایڈوکیٹ نے فریقین سے تحقیقات مکمل کرلی ہیں۔

ذرائع کے مطابق علی ظفر ایڈووکیٹ کی جانب سے وزیراعظم کو رپورٹ پیش کرنے کے لئے سفارشات تحریر کرنے کا کام جاری ہے، اور علی ظفر آئندہ چند روز میں اپنی رپورٹ کی سفارشات مکمل کرلیں گے، جب کہ وزیراعظم کو اسی ہفتے کے آخر یا اگلے ہفتے کے شروع میں رپورٹ پیش کردیں گے۔

ذرائع نے بتایا کہ علی ظفر ایڈووکیٹ نے ترین گروپ کے وکلا اور دیگر شخصیات سے ملاقات کرکے مو¿قف معلوم کیا، ایف آئی اے اور دیگر حکومتی اداروں کے آفیسرز کے بھی انٹرویو کے حقائق معلوم کئے۔واضح رہے وزیراعظم نے ترین گروپ سے ملاقات کے بعد سینیٹر علی ظفر ایڈوو کیٹ کو غیر جانبدارنہ رپورٹ پیش کرنے کا ٹاسک دیا تھا۔