قومی اسمبلی کی جنگ میں ملیکہ بخاری کی آنکھ زخمی

قومی اسمبلی اجلاس میں ہنگامہ آرائی کے دوران بجٹ کی کتاب لگنے سے پاکستان تحریک انصاف (پی ٹی آئی) کی رہنما ملیکہ بخاری کی آنکھ زخمی ہو گئی۔

سماجی رابطوں کی ویب سائٹ ٹوئٹر سے جاری پیغام میں وزیراطلاعات فواد چوہدری نے بتایا کہ ملیکہ بخاری خاتون رکن اسمبلی کی آنکھ پر بجٹ بک ماری گئی ہے جس سے ان کی آنکھ زخمی ہو گئی ہے۔انہوں نے لکھا کہ ن لیگ اراکین اسمبلی کو خواتین کی عزت اورآبرو کا بھی کوئی احساس نہیں۔

ملیکہ بخاری خاتون رکن اسمبلی کی آنکھ پر بجٹ بک ماری گئی ہے جس سے انکی آنکھ زخمی ہوگئی۔ ⁧#ن⁩ لیگ اراکین اسمبلی کو خواتین کی عزت اور آبرو کا بھی کوئی احساس نہیں ہے۔ pic.twitter.com/4SW6TgB23E

— Ch Fawad Hussain (@fawadchaudhry) June 15, 2021

خیال رہے کہ قومی اسمبلی اجلاس میں قائد حزب اختلاف شہباز شریف کی تقریر کے دوران ہنگامہ آرائی شروع ہوئی تھی۔