عمران خان کی بہن کے گھر ڈکیتی کرنے والے ملزمان کو قید کی سزا

لاہور:وزیراعظم عمران خان کی بہن کے گھر ڈکیتی کرنے والے ملزمان کوعدالت نے قید کی سزا سنا دی ۔

تفصیلات کے مطابق جوڈیشل مجسٹریٹ رحمان الہی نے تین مجرموں کو جرم ثابت ہونے پر سات سات سال قید کی سزا دی۔ مجرموں میں کاظم ،محمود اور فہد شامل ہیں۔مجرموں کو 45 ،45 ہزار روپے جرمانے کی سزا بھی سنائی گئی ہے۔ ان کے خلاف تھانہ ریس کورس میں عمران خان کے بھانجے شیر شاہ سوری کی مدعیت میں ڈکیتی کا مقدمہ درج کیا گیا تھا۔

4 جنوری 2020 میں اپر مال کے علاقے میں تین ڈاکو عمران خان کے بھانجے شیر شاہ کی رہائش گاہ میں دیوار پھلانگ کر داخل ہوئے اور طلائی زیورات، نقدی اور اسلحہ لوٹ کر فرار ہوگئے تھے۔