پی پی ایم پی اےکوہتھکڑی نہ لگانےپرمتعلقہ افسرسےتفتیش کی گئی ہے۔اے آئی جی کراچی

کراچی پولیس چیف نے ناظم جوکھیو قتل کیس کے ملزم پی پی ایم پی اے جام اویس کو پولیس کی جانب سے وی آئی پی پروٹوکول دینے کی خبروں کو رد کردیا ہے۔

اس حوالے سے ایڈیشنل آئی جی کراچی عمران یعقوب منہاس کا کہنا تھا کہ ناظم جوکھیو کیس کا مقدمہ اہلخانہ کی خواہش کے مطابق ہی درج کیا گیا ہے اور کیس کی تفتیش بھی میرٹ پر کی جارہی ہے۔

ایڈیشنل آئی جی کراچی عمران یعقوب منہاس نے کہا کہ ایم پی اے جام اویس کو وی آئی پی پروٹوکول نہیں دیا جارہا، وہ اس وقت تھانے کے لاک اپ میں ہیں۔ کراچی پولیس چیف کا کہنا تھا کہ پی پی ایم پی اےجام اویس کی عدالت میں پیشی پر ہتھکڑی نہ لگانے پر متعلقہ افسر سے تفتیش کی گئی ہے اور افسر کے خلاف کارروائی کی جائے گی۔

کراچی میں اسٹریٹ کرائم سے متعلق پولیس چیف نے کہا کہ شہر میں وارداتیں ہورہی ہیں لیکن گزشتہ 2 ماہ میں اسٹریٹ کرائم کا گراف نیچے آیا ہے۔