ڈاکوئوں نے ہوٹلوں پر بھی وارداتیں شروع کر دیں

کراچی:شہر قائد میں ڈاکوئوں نے ہوٹلوں پر بھی وارداتیں شروع کر دیں، موبائل فون چھیننے کی سب سے بڑی واردات ایک چائے خانے میں رونما ہوئی، جہاں ڈاکو 30 سے زائد افراد سے موبائل چھین کر رفو چکر ہوگئے۔

میڈیا رپورٹس کے مطابق تازہ ترین واقعہ کراچی کے پوش علاقے کریم آباد میں اس وقت پیش آیا جب درجن بھر سے زائد ہوٹل پر بیٹھے چائے پی رہے تھے کہ پانچ نقاب پوش ڈاکوؤں نے اسلحے کے زور پر تمام افراد کو گھیرلیا اور چائے پینے والوں سے موبائل فون اور قیمتی سامان لوٹ لیا۔

ملزمان نے اطمینان نے اپنی واردات پوری کی اور موٹر سائیکل پر باآسانی فرار ہوگئے، چھینے گئے موبائل فونز کی مالیت لاکھوں روپے بتائی جاتی ہے۔حسب روایت واقعہ رونما ہونے کے بعد پولیس جائے حادثے پر پہنچی اور عینی شاہدین سے ابتدائی پوچھ گچھ کے بعد نامعلوم ملزمان کے خلاف مقدمہ درج کرتے ہوئے کارروائی کا آغاز کردیا۔