نئے انتخابات کا فیصلہ حکومت نے کرنا ہے۔چیف الیکشن کمشنر

اسلام آباد:چیف الیکشن کمشنر سکندر سلطان راجہ نے کہا ہے کہ نئے انتخابات کا فیصلہ حکومت نے کرنا ہے،جب کہا جائے گا الیکشن کرا دیا جائے گا، الیکشن کمیشن آئین اور قانون کے مطابق فیصلے کرتا ہے۔

چیف الیکشن کمشنر کا کہنا تھا کہ 2018 کے انتخابات اورحلقہ بندیوں کے حوالے سے خصوصی آئینی ترمیم لائی گئی تھی، حکومت ڈیجیٹل مردم شماری کرانا چاہتی ہے، ڈیجیٹل مردم شماری کے نتائج دسمبر 2022 تک ملے تو بروقت حلقہ بندیاں ہوسکتی ہیں۔

انہوں نے کہا کہ ڈیجیٹل مردم شماری کے نتائج تاخیر کا شکار ہوئے تو 2017 کی مردم شماری کی بنیاد پر حلقہ بندیوں پر انتخاب ہوگا، اراکین قومی اسمبلی کے استعفوں کا کیس سابق ڈپٹی اسپیکرنے الیکشن کمیشن کو نہیں بھجوایا۔