سیکڑوں طالبات عبداللہ گورنمنٹ گرلز کالج میں داخلوں سے محروم

کراچی: نارتھ ناظم آباد میں عبداللہ گورنمنٹ گرلز کالج کی آرٹس فیکلیٹی میں طالبات کو داخلے نہیں دیے گئے۔

تفصیلات کے مطابق نارتھ ناظم آباد میں واقع عبداللہ گورنمنٹ کالج گرلز میں 4ہزار5 سو طالبات زیر تعلیم ہیں ۔جس میں اورنگی ٹاؤن،پہاڑ گنج اور نارتھ ناظم آباد کی متوسط اورغریب طالبات داخلہ لیتی ہیں ،رواں سال آرٹس فیکلیٹی میں طالبات کو داخلے نہیں دیے گئے جس کی وجہ سے طالبات میں بے یقینی سے کیفیت پائی جاتی ہے ،طالبات کے والدین نے بتایا کہ کالج انتظامیہ سے بات کی تو انہوں نے کہا کہ داخلہ پالیسی کے تحت ہوتے ہیں اس میں ہمارا کوئی اختیار نہیں۔

طالبات نے حکام سے مطالبہ کیا ہے کہ عبداللہ کالج میں آرٹس فیکلٹی میں داخلے فوری طورپرشروع کیے جائیں تاکہ ہم اپنی تعلیم جاری رکھ سکیں ۔