پاک،آئرلینڈ ویمنز کرکٹ سیریز کیلئے کمنٹری پینل کا اعلان

لاہور(اُمت نیوز)قذافی اسٹیڈیم لاہور میں ہونے والی پاک ،آئرلینڈ ویمنز کرکٹ سیریز کے لیے کمنٹری پینل کا اعلان کردیا گیاہے۔
پاکستان کرکٹ بورڈ (پی سی بی) نے سیریز کے کمنٹری پینل میں قومی ٹیم کی سابق کپتان ثناء میر اور مرینہ اقبال کو شامل ہیں۔
ویمنز سیریز کے کمنٹری پینل میں علی یونس، اینڈریو لینارڈ، سکندر بخت اور شاہ فیصل شامل ہیںپی سی بی کے مطابق ثناء میر 12، 14 اور 16 نومبر کو ہونے والے ٹی ٹوئنٹی میچز میں دستیاب ہوں گی۔
پاکستان میں 4 سے 9 نومبر تک ہونے والی ایک روزہ میچز کی سیریز آئی سی سی ویمن چیمپئن شپ کا حصہ ہے۔
پاکستان اور آئرلینڈ کی ویمنز ٹیموں کے درمیان میچز قذافی اسٹیڈیم لاہور میں ہوں گے، میچ کے لیے تماشائیوں کا داخلہ فری ہوگا۔
پی سی کے مطابق سیریز کے لیے قذافی اسٹیڈیم کے فضل محمود، عمران خان، راجاز اور سعید انور انکلوژرز تماشائیوں کے لیے کھولے جائیں گے۔