ٹوئٹرکا کمپنی دفاتر آج سے عارضی بند کرنے کا اعلان

نیویارک:سماجی رابطے کی ویب سائٹ ٹوئٹر نے کمپنی کے دفاترآج سے عارضی طور پر بند کرنے کا اعلان کردیا۔

برطانوی میڈیا کے مطابق ٹوئٹرکمپنی کا دفاترعارضی طورپربند کرنے کا فیصلہ فوری نافذ العمل ہوگا۔برطانوی میڈیا کا اس حوالے سے کہنا ہے کہ ٹوئٹر کمپنی کے دفاتر 21 نومبر(پیر) سے دوبارہ کھلیں گے۔

ٹوئٹر نے کمپنی دفاترعارضی طورپربند کرنے کی وجوہات واضح نہیں کیں۔برطانوی میڈیا کے مطابق ٹوئٹرنے آفسز بند کرنے کی رپورٹ پر ردعمل دینے سے گریزکیا ہے۔

pic.twitter.com/rbwbsLA1ZG

— Elon Musk (@elonmusk) November 18, 2022

ٹوئٹر کے نئے مالک اور دنیا کے امیرترین شخص ایلون مسک نے ایک گھنٹہ پہلے ہی ایک تصویر شئیرکی جس میں ٹوئٹر کی قبر بنی ہوئی دیکھی جا سکتی ہے، جس کے بعد سے ٹوئٹر صارفین کی جانب سے تبصرے شروع ہوگئے کہ آخر کار ایلون مسک کرنا کیا چاہتے ہیں۔