کیامکی آرتھر قومی ٹیم کے دوبارہ ہیڈ کوچ بننے جا رہے ہیں؟

لاہور(اُمت نیوز)ہیڈ کوچ اور بائولنگ کوچ کی مدت فروری میں ختم ہونے والی ہے۔پی سی بی نے ثقلین مشتاق اور شان ٹیٹ کی تقرری رواں سال فروری کے مہینے میں کی تھی۔
ہیڈ کوچ اور باؤلنگ کوچ کی مدت فروری 2023 میں ختم ہو جائے گی،نیوزی لینڈ کیخلاف یہ ان کی آخری اسائنمنٹ ہے۔
پاکستان کرکٹ بورڈ اب ہیڈ کوچ، بولنگ کوچ اور بیٹنگ کوچ کی تقرری کے عمل آغاز کرے گا۔
چیئرمین مینجمنٹ کمیٹی نجم سیٹھی نے کوچ کی تقرری بارے میڈیا سے گفتگوکرتے ہوئےکہا ہے کہ آئندہ کوچ غیر ملکی ہوگا، قومی ٹیم کے ہیڈ کوچ کے لیے مکی آرتھر مضبوط امیدوار ہیں۔
واضح رہے کہ مکی آرتھر 2016 سے 2019 تک قومی ٹیم کے کوچ رہ چکے ہیں، ان کی کوچنگ میں پاکستان ٹیم نے چیمپیئنز ٹرافی جیتی تھی۔
ذرائع نے بتایا ہے کہ مینجمنٹ کمیٹی کے اراکین بھی مکی آرتھر کی تقرری کے حق میں ہیں، جلد کوچ کی تقرری کے باضابطہ طریقہ کار کا آغاز کر دیا جائے گا۔