قائدِ اعظمؒ کایوم پیدائش، مزارِ پر گارڈز تبدیل

اسلام آباد (اُمت نیوز)بابائے قوم قائد اعظم محمد علی جناح کا147واں یوم پیدائش آج منایا جارہا ہے۔
اس موقع پر مزارقائد پر گارڈز کی تبدیلی کی پُر وقار تقریب ہوئی جس میں پاکستان ملٹری اکیڈمی کاکول کے دستے نےپاک فضائیہ کے کیڈٹس سے گارڈز کے فرائض سنبھال لیے
تقریب کے مہمان خصوصی میجر جنرل عمر نسیم کو اعزازی گارڈز نے سلام پیش کیا ساتھ ہی میجرجنرل عُمر نسیم نے گارڈزکا معائنہ بھی کیا ۔
قائدِ اعظم محمد علی جناحؒ 25 دسمبر 1876ء کو کراچی میں پیدا ہوئے، اس دن کی مناسبت سے ملک بھر میں سرکاری عمارتوں پر قومی پرچم لہرایا جا رہا ہے۔
آج کے دن ملک کے سرکاری اور نجی اداروں میں تقاریب، سیمینار اور کانفرنسز کا انعقاد کیا جائے گا۔