عظیم فٹبالر پیلے کی آخری رسومات کب ادا کی جائیں گی؟

برازیل(اُمت نیوز)برازیل کے عظیم فٹبالر پیلے کینسر کےباعث گزشتہ رات 82 سال کی عمر میں انتقال کر گئے تھے۔ ان کی آخری رسومات پیر اور منگل کو سینٹوس میں ان کے گھر میں ادا کی جائیں گی۔
غیرملکی میڈیا کا کہنا ہے کہ عوام پیلے کو آبائی شہر کی سڑکوں پر خراج تحسین پیش کریں گے۔
واضح رہے کہ پیلے نےاپنے کیریئر میں 1363 میچوں میں 1281 گول کیے تھے۔ برازیل کے لیے 92 میچوں میں 77 گول کیے۔
پیلے 2000ء میں فیفا کے صدی کے بہترین کھلاڑی بھی قرار دیے گئے تھے۔