مسلسل بارشیں، مکہ کے پہاڑوں پر سبزہریالی آناشروع

سعودی عرب (اُمت نیوز) سعودی عرب میں مسلسل بارش کے باعث مکہ مکرمہ کے پہاڑوں اور صحرائی علاقے میں ہریالی آنا شروع ہوگئی ہے
مسلسل بارش کے باعث مکہ مکرمہ کے پہاڑ، وادیاں خوبصورتی کا منظر پیش کرنے لگ گئیں ۔ ہر طرف سبزہ ہی سبزہ دکھائی دینے لگا۔
ہریالی کی متعدد تصاویر مکہ مکرمہ گورنریٹ نے ٹوئٹر پر اپنے آفیشل اکاؤنٹ میں شیئر کی ہیں۔
ادھر سعودی فوٹو گرافر عبد الالہ السلمی اور خاتون فوٹو گرافر ہلا الحربی نے عین شمس نامی علاقے کے پہاڑی علاقے میں ہونے والی شادابی کی تصاویر صارفین تک پہنچائی ہیں۔
کیمپنگ کے شوقین افراد کی بڑی تعداد خوشگوار موسم اور ہریالی دیکھ کر اس علاقے کا رخ کر رہے ہیں۔