پنجاب اسمبلی :پارلیمانی پارٹی اجلاس میں 181 ارکان نے حاضری لگا دی

بدھ 11 جنوری 2023, 11:27 شام آخری اپ ڈیٹ بدھ 11 جنوری 2023, 11:35 شام اہم خبریں

لاہور(امت نیوز)پی ٹی آئی نے پرویز الٰہی پر اعتماد کے ووٹ پر رائے شماری کیلئے کارروائی تیز کر دی۔

پنجاب اسمبلی کے اجلاس میں کھانے کے وقفے کے دوران پی ٹی آئی اور ق لیگ کی پارلیمانی پارٹی کا اجلاس وزیراعلیٰ کی زیر صدارت ہواجس میں تمام صورتحال پر تبادلہ خیال کیا گیا۔ایوان میں حاضری رجسٹرز کے مطابق پی ٹی آئی اور ق لیگ کے181 ارکان نے حاضری لگائی۔

دوسری جانب سابق وفاقی وزیر فواد چوہدری نے کہا ہے کہ 187 ارکان کا ہدف پورا کر لیا ہے، مزید کچھ ارکان اجلاس میں شرکت کیلئے روانہ ہو گئے ہیں۔

نجی ٹی وی سے گفتگو میں ڈپٹی اسپیکر واثق قیوم کا کہنا تھا کہ آج ہم نے اپنے نمبرز پورے ظاہرکردیے ہیں، آج قرارداد بھی آسکتی ہے کہ پورا ایوان وزیراعلیٰ پراعتماد کا اظہارکرتا ہے، متوقع قرارداد اعتماد کے ووٹ کی کارروائی نہیں ہوگی۔