کتے کے بھونکنے پر لڑائی نے خاتون کی جان لے لی

لکھنئو: بھارتی ریاست اتر پردیش میں کتے کے بھونکنے پر ہونے والے جھگڑے نے ایک خاتون کی جان لے لی جبکہ 5 افراد زخمی ہو گئے ۔

بھارتی میڈیا کے مطابق اتر پردیش کے علاقے بلیا میں کتے کے بھونکنے پر 2 گروپوں میں تنازع ہوا اور دیکھتے ہی دیکھتے تلخ کلامی کے بعد نوبت ہاتھا پائی تک جا پہنچی۔

مقامی پولیس کے مطابق دونوں گروپوں میں ہونے والے جھگڑے کے نتیجے میں 50 سالہ خاتون لال منی اپنی جان سے ہاتھ دھو بیٹھی جبکہ 5 دیگر افراد زخمی بھی ہوئے۔

پولیس کا کہنا ہے کہ واقعے کا مقدمہ درج کرکے 3 افراد کو گرفتارکرلیا گیا ہے, معاملے کی تحقیقات شروع کر دی گئی ہیں۔