راکھی ساونت نے اسلام قبول کرلیا؟چہ میگوئیاں جاری

نئی دہلی: کیا بھارت کی بولڈ اور بیباک اداکارہ و رقاصہ راکھی ساونت نے اسلام قبول کرلیا؟،انہوں نے اپنے نکاح پر کلمہ طیبہ پڑھا جبکہ نکاح نامے پران کا نام فاطمہ لکھا گیا ہے۔

بالی وڈ اداکارہ راکھی ساونت کے نکاح کی ایک ویڈیو سوشل میڈیا پر وائرل ہو گئی جس میں نکاح خواں انہیں کلمہ طیبہ و شہادت پڑھا رہے ہیں۔

راکھی ساونت نے اپنے دوست مسلمان عادل سے شادی کی ہے،سوشل میڈیا پر راکھی ساونت کی جانب سے اپنے مسلمان شوہرکے ساتھ ایک تصویر بھی شیئر کی گئی ہے جس میں وہ دونوں نکاح نامہ تھامے کھڑے ہیں۔ اس نکاح نامے پر راکھی ساونت کا نام “فاطمہ” لکھا ہوا ہے۔

واضح رہے کہ راکھی ساونت نے گزشتہ روز اپنی شادی کی تصدیق کرتے ہوئے نکاح کی تصاویر سوشل میڈیا پر شیئرکی تھیں اور لکھا کہ “میں بہت خوش اور پرجوش ہوں، آخر کار میں نے اپنی زندگی کی محبت سے شادی کر لی”۔