ایم کیوایم پاکستان بلدیاتی الیکشن لڑنے کیلئے تیار؟

کراچی(امت نیوز)بلدیاتی الیکشن میں حصہ لینا ہے یا نہیں ، ایم کیوایم نے ابھی تک اس کا باضابطہ طور پر اعلان نہیں کیا، تاہم ذرائع  ذرائع ایم کیو ایم کا کہنا ہے کہ تمام تر تحفظات کے باوجود بلدیاتی الیکشن میں حصہ لیں گے

ایم کیوایم کے بعض اراکین کا کہناہے کہ الیکشن میں حصہ لینا خودکشی کے متراد ہوگا کیونکہ کامیابی کے امکانات نہ ہونے کے برابر ہیں۔ عام انتخابات میں بھی ایم کیو ایم پاکستان کو عبرت ناک شکست سے دوچار ہونا پڑا تھا

دوسری جانب رابطہ کمیٹی کی اکثریت نے اکثریت نے میدان خالی نہ چھوڑنے کی رائے دی ہے۔ ان کاکہناہے کہ بلدیاتی انتخابات میں حصہ نہ لینے سے پارٹی کو شدید نقصان ہوگا۔

ادھرپی ایس پی سے ایم کیوایم میں ضم ہونے والے مصطفیٰ کمال نے میڈیا سے گفتگو میں کہا کہ ابھی معاملہ طے ہورہا ہے، جلد بتائیں گےکہ بلدیاتی الیکشن میں حصہ لے رہے ہیں یانہیں ۔